SPORTS UPDATE LEO.

CECAFA YAJICHANGANYA, YAIBADILISHIA MBEYA CITY RATIBA, TIMU ZOTE ZA MISRI ZAGOMA MBEYA CITY YAKWEA PIPA USIKU HUU.

BARAZA la Vyama vya Soka Afrika Mashariki na Kati (CECAFA) limesogeza mbele kwa siku mbili michuano yake mipya ijulikanayo kama Nile Basin na sasa itaanza kesho wakati wawakilishi wa Tanzania, Mbeya City wataondoka usiku wa leo kwenda Sudan.

Taarifa ya CECAFA iliyotumwa leo imesema kwamba timu zote za Misri zilizotarajiwa kushirki michuano hiyo hazitakuja tena na baadhi ya timu zilizowekwa kwenye ratiba awali zimejitoa na nafasi yake kupewa timu nyingine.

Sasa michuano hiyo inayoshirikisha mabingwa wa Kombe la Fa na washindi wa pili wa Ligi Kuu za nchi wanachama wa CECAFA makundi yake matatu yamepangwa upya pamoja na ratiba nzima.

Kundi A sasa litakuwa na timu za El Merreikh ya Sudan, Victory University ya Uganda, Malakia ya Sudan Kusini na Polisi ya Zanzibar, Kundi B kuna Mbeya City ya Tanzania Bara, AFC Leopars ya Kenya, Academie Tchite ya Burundi na Entincelles ya Rwanda, wakati Kundi C kuna Al Shandy ya Sudan, Defence ya Ethiopia na Dkhil ya Djibouti.

Awali michuano hiyo ilitarajiwa kushirikisha timu za Misri pia, Al Masry, Hey Al Arab, Arab Contractors, zilizoalikwa kunogesha mashindano hayo, lakini zikajitoa dakika za mwishoni.

Kwa ujumla, awali timu zilizotarajiwa kushiriki mashindano hayo ni Al Ahly Shandy, Al Masry ya Misri, Defence na Dhikil zilizopangwa Kundi C, wakati Kundi D lilikuwa na Hey Al Arab, Arab Contractors, Flam beaude L'EsT ya Burundi na Etincelles ya jijini Kigali, Rwanda.

Mbeya City imeendelea kubaki Kundi B kama ilivyo AFC Leopard ya Kenya, lakini El Mereikh Al Fashery  na Elman ya Somalia zimeondoka na nafasi yake imechukuliwa na Enticelles na Academie Tchite.

Mbeya City sasa itatupa karata yake ya kwanza Jumamosi mbele ya Academie Tchite ya Burundi Uwanja wa Merreikh kuanzia Saa 11:30 jioni na kufuatiwa na mchezo kati ya AFC Leopards ya Kenya na Enticelles ya Rwanda Saa 2:00 usiku, hizo zikiwa mechi za Kundi B.   

Mechi tatu za Ufunguzi zinatarajiwa kuchezwa kesho, kati ya Victoria Univesrity ya Uganda na Malakia ya Sudan Kusini, wenyeji Al-Merreikh ya Polisi ya Zanzibar zote zikiwa za Kundi A na wenyeji wengine Al-Shandy dhidi ya Dkhill ya Djibouti, huo ukiwa mcheo wa Kundi C.

Katibu Mkuu wa Mbeya City, Emmanuel Kimbe, ameithibitisha kupatiwa tiketi na leo usiku wanapanda ndege kwenda Sudan.

SALEH NA JULIO WAITIA HALUA MCHANGA MSIMBAZI.

Kazi imeanza, mapingamizi yameanza ndani ya klabu ya Simba na moja ni lile alilowekewa mgombea wa Urais wa Simba, Michael Wambura.

Wambura amewekewa pingamizi na Saleh Majaba wa Arusha ambaye anasema alifanya kampeni kabla ya uchaguzi.

Majaba ambaye ni mwanachama wa Simba kutoka Arusha amesema Wambura alianza kampeni kabla ya uchaguzi, kitu ambacho si sahihi.

Upande mwingine, Jamhuri Kihwelo ‘Julio’ ambaye ni mgombea wa nafasi ya makamu wa rais amewawekea pingamizi wagombea wote wanaotokea kwenye kamati ya utendaji.

Julio amewapinga Swed Nkwabi ambaye anagombea naye nafasi moja, Ibrahim Masoud Damian Manembe na Said Pamba.

SUAREZ OUT KOMBE LA DUNIA

Mshambuliaji Luis Suarez wa Liverpool ameumia mazoezini na ataikosa michuano ya Kombe la dunia inayonza mwezi ujao nchini Brazil.

Suarez ameumia goti wakati wa mazoezi ya timu yake ya taifa ya Colombia na atatakiwa kuwa nje ya uwanja kuanzia wiki nne hadi sita.

Mwenyewe ameonekana kuwa na majonzi lakini hana ujanja kuwa ataikosa michuano hiyo.

Waingereza wameonekana kufurahia huku mashabiki wengi wakionyesha furaha hiyo kwenye mitandao ya kijamii kama Twitter, Facebook na Instagram.

England ilikuwa inakipiga na Uruguay Juni 19 na mashabiki wake wanajua shughuli ya mbaguzi huyo ambaye ndiye mchezaji bora wa Ligi Kuu England .

MAKELELE APATA ULAJI UFARANSA, SASA KOCHA MKUU LIGUE 1

KIUNGO wa zamani wa Chelsea, Claude Makelele ataachia nafasi yake ya Ukoha Msaidizi wa PSG ili aka we kocha mpya Mkuu wa timu ya Ligue 1 pia, Bastia.

Makelele, ambaye enzi zake alichezea klabu za Real Madrid, Chelsea na PSG anaweza kutambulishwa kama kocha mpya wa Bastia kabla ya mwishoni mea wiki kwa mujibu wa gazeti la Ufaransa, L'Equipe.

PSG ilimpa Makelele ofa ya Mkataba wa miaka miwili zaidi, lakini amegoma ili aka we bosi kamili timu nyingine. 

Ataungana na mchezaji mwenzake wa zamani wa Ufaransa, Willy Sagnol kuwa kocha mpya Mkuu katika Ligue 1 baada ya beki huyo wa zamani wa Bayern Munich kuwa mbioni kuteuliwa kocha mpya wa Bordeaux.

Makelele, mwenye umri wa miaka 41, alikuwa chachu ya mafanikio ya mwanzoni ya kocha Mreno Jose Mourinho Stamford Bridge. 

Akiwa amesajiliwa kutoka Real Madrid mwaka 2003, Makelele alikuwa mchezaji muhimu mno katika mfumo wa Mourinho wa 4-3-3, akiwafanya watu Frank Lampard kufunga sana mabao.

MAN UNITED YAANZA RASMI USAJILI, YAKUBALI KUMNUNUA KIUNGO WA BAYERN MUNICH

KLABU ya Manchester United imekubakli kumsajili kiungo wa Bayern Munich, Toni Kroos na sasa inaelekeza nguvu zake kwa mchezaji mwenzake Arjen Robben.

day la Pauni Milioni 20 kumnunua Kroos lilikubaliwa wakati David Moyes bado yupo kazini Old Trafford na mroithi wake kocha wa zamani wa Bayern, Louis van Gaal, imeelezwa ameruhusu mango uendelee. 

Kroos, mwenye umri wa miaka 24, alifundishwa na Van Gaal alipokuwa Bayern na yuko tayati kufanya kazi tena na kocha wake wa zamani.

SAGNA SASA KUHUDUMU MAN CITY MSIMU UJAO KWA MSHAHARA WA PAUNDI 150,000 KWA WIKI.

Kocha Manuel Pellegrini ameshinda vita ya kumpata full back  kutoka Arsenal, Bacary Sagna.

Sagna amekubali kusaini mkataba wa miaka mitatu baada ya kuahidiwa mkataba ambao atakuwa analipwa pauni 150,000 kwa wiki.

Beki huyo Mfaransa amesafiri kwenda jijini Manchester na taarifa  zinaeleza tayari Sagna amefuzu hadi vipimo na kilichobaki ni kusaini baada ya muda mchache ujao.