WAZIRI WA AFYA UMMY MWALIMU AMSHUKURU ASKOFU JIMBO KUU DSM KUHAMASISHA VIKUNDI VYA UINJILISTI

 Waziri wa Afya, maendeleo ya jamii jinsia wazee na watoto Ummy Mwalimu na Askofu Mkuu wa Jimbo Kuu la Dar es Salaam,  Mwadhama Polycap Kardinali Pengo(picha kwa hisani ya gazeti la mwananchi)

Waziri wa Afya, maendeleo ya jamii jinsia wazee na watoto Ummy Mwalimu amemshukuru , Askofu Mkuu wa Jimbo Kuu la Dar es Salaam,  Mwadhama Polycap Kardinali Pengo kwa kuhamasisha vikundi vya uinjilishaji na umisionari kuguswa na kujitolea kugharamia uchimbaji wa kisima.

Waziri, Ummy amesema hayo jana jijini Dar Es Salaam wakati akikabidhiwa kisima hicho ambapo amesema msaada wa uchimbaji wa kisima cha huduma ya maji safi na salama kilichochimbwa kwenye Kituo cha Mahabusu ya Watoto Upanga, kimeipunguzia Serikali gharama ya Sh mil. 4.8 zilizokuwa zinatolewa kila mwaka.

Ameongeza kuwa Msaada huu ni mkubwa kwani zilikuwa zikitumika shilingi 400,000 kwa mwezi kwa ajili ya maji, ambazo sasa zitaamishiwa  kwenye gharama za matibabu kwa kuwakatia bima ya afya watoto.
Kwa upande wake Kadinali Pengo amesema katika misaada yao ambayo wamekuwa wakiitoa kwa jamii wanaepuka kuitoa kwa ubaguzi wa aina yoyote.

Chanzo cha kuchimbwa kisima hicho ni kutokana na ziara waliyoifanya watoto wa Shirika la Utoto Kurasini kituoni hapo na kubaini changamoto inayowakabili watoto wenzao, hivyo wakaguswa na kuomba ushirikiano na vikundi  vingine vilivyowezesha kujengwa kwa gharama ya Sh 11,780,000